Kutafsiri Biblia: Capstone Module 5 Swahili Mentor Guide

/ 3 2 9

K U T A F S I R I B I B L I A

Ibada hii inalenga katika uhitaji wa kuwa mchunguzi thabiti wa Neno la Mungu. Kama wanafunzi wa Maandiko, hatuwezi kumruhusu mtu yeyote au taasisi yoyote kufikiria kwa niaba yetu au kuamini kwa ajili yetu. Bila shaka yoyote, kila mkristo anao uwezo wa kutosha kuthibitisha imani yake kulingana na Neno la Mungu. Ingawa sio waamini wote wameitwa kuwa wanazuoni au waalimu, kimsingi, lakini kila mkristo ni mwamini, ambaye anashikilia kweli fulani, kuwa zenye umuhimu mkubwa na kuwa ndio mamlaka ya mwisho. Katika kauli yenye ushawishi kuhusu nini kinatakiwa haswa katika theolojia ya Biblia Mwanatheolojia, Profesa E. J. Schnabel anaeleza umuhimu wa theolojia ya Biblia, wa kujali kwetu kujifunza Maandiko na kukita imani yetu na matendo yetu katika fundisho na matakwa ya Biblia. Ingawa bila shaka ni aina ya mafunzo ya Biblia inayohitaji bidii na kujishughulisha mno, theolojia ya Biblia inachukua nafasi kubwa katika utendaji wake nje ya taaluma, yaani hata katika Kanisa la Kristo na kwa wakristo wa kawaida, inakuza mtazamo bora kuhusu Biblia, Yesu na Injili pia. Wakristo wengi wana shauku ya kweli katika kutazama mazingira ya kibiblia, katika lugha yake, mifumo ya mawazo, akiolojia, jiografia, na historia (hili ndilo dhumuni kuu la kamusi ya Biblia). Wengi pia wanapenda kujihusisha katika tafsiri za kifungu kimoja kimoja (dhumuni la vitabu vya mafafanuzi ya Biblia) hata hivyo, wakristo wote wana shauku binafsi au iliyodhahiri kabisa, juu ya masuala ya theolojia ya Biblia, yaani, nini Biblia inafundisha kuhusu Mungu, na namna anavyoshughulika na wanadamu. Na theolojia ya kibiblia ya aina moja au nyingine, kwamba kweli inatambuliwa hivyo au la, kwa kawaida huwa ndicho kinachoendelea pale Biblia ikiwa inahubiriwa kwa ufasaha, ikifundishwa kwa bidii au kusomwa kwa nia moja na waamini wa kikristo. ~ E. J. Schnabel. “Scripture.” New Dictionary of Biblical Theology . T. D. Alexander, ed. (Electronic ed.). Downers Grove, IL: Intervarsity Press, 2001. Hapa Profesa Schnabel anafungamanisha imani yetu na ugunduzi wetu wa kweli katika Neno la Mungu. Kama anavyosema, tumewekeza sana katika matokeo ya masomo hayo; imani yetu na tumaini letu limejishikiza katika ugunduzi sahihi wa ushuhuda wa Neno la Mungu. Kwahiyo, ni wajibu kwa kila mwamini kujichochea yeye mwenyewe katika kuwa Mwanafunzi mwenye bidii wa Neno la Mungu katika kila hali kama ilivyokuwa kwa waberoya, kiasi kwamba tunatafuta kuthibitisha

 2 Page 170 Ibada