Mungu Baba, Swahili Module 6 Student Workbook

/ 2 3 9

M U N G U B A B A

Ufalme Wako Uje: “Hadithi ya Utukufu wa Mungu” (muendelezo)

E. Wito wa Mungu kwa ajili ya wokovu na huduma unahusisha kutangaza ujumbe wa Ufalme kupitia kuhubiri, kufundisha, na kufanya wanafunzi ili wengine waingie na kufanya wengine kuwa wanafunzi wa Ufalme. 1. Kuhubiri habari njema za Ufalme kwa wale wasiomjua Mungu, kuzinduliwa kwa Ufalme kupitia Mwana wa Mungu na kufurahiwa na kudhihirishwa kwa Ufalme huo katika Kanisa Mdo. 2:1-18. 2. Kuwafundisha na kuwafuasa waamini katika maneno ya Yesu ili wawe wanafunzi wake na kukomaa kama viungo vya mwili wake, Yoh. 8:31-32; 1 Pet. 2:2; 2 Tim. 3:16-17. 3. Kuwatayarisha wale ambao ni washiriki wa mwili wa Kristo kufanya kazi ya huduma ili kwamba Kanisa liweze kukua kiidadi na kiroho, Efe.4:9-15. 4. Kumtolea Bwana wetu Yesu sifa na ibada isiyo na kikomo, Yeye ambaye alivamia utawala wa Shetani na kuharibu uasi wake wenye hila na uovu katika ulimwengu wa Mungu. 5. Kuazimia kuakisi, kueleza, na kutangaza utawala wa sasa na ujao wa Kristo hata atakapokuja. Je, niko tayari na radhi kuhubiri Neno la Ufalme katika hali na mazingira yoyote ili waliopotea waokolewe, waliookoka wapate kukomaa, na waliokomaa wazidishe matunda ya Ufalme wa Mungu?

Jambo la Msingi: Je, uko tayari kuteseka kwa ajili ya ujumbe wa Ufalme kuhusu Masihi Yeshua? ( Taz. Kiambatisho cha “Mateso: Gharama ya Ufuasi na Uongozi wa Kiutumishi” ).