The Kingdom of God, Swahili Mentor Guide

/ 3 5 1

UFALME WA MUNGU

ya kitume wanaweza kutaka kufanya zaidi katika suala la theolojia ya kihistoria juu ya masuala haya, wao wenyewe wanawakilisha aina ya msingi wa sifa ambazo viongozi katika Kanisa la Yesu Kristo wamesisitiza kihistoria kuhusu Ujio wake wa Pili. Kwa maana hii, vitu hivi ni vya umuhimu mkubwa kwa kiongozi mwanafunzi wa Kikristo kujua, kutetea, na kuwa na uwezo wa kueleza na kuandaa wengine. Kuhusiana na utimilifu wa Ufalme, mtazamo wa milenia ni muhimu, kwa kuwa maoni haya yanaelekea kuzungumza juu ya athari halisi za utawala wa ufalme wa Yesu ulimwenguni. Neno lenyewe, “milenia,” linatokana na neno la Kilatini linalomaanisha elfu (kadhalika neno “ chiliasm ,” linalotokana neno la Kiyunani, linatumiwa vivyo hivyo). Milenia inarejelea fundisho fulani la eskatolojia lenye msingi wake katika kitabu cha Ufunuo 20:1-10. Katika andiko hili, Yohana anamwona na kumwelezea Shetani akifungwa na kutupwa katika shimo lisilo na mwisho kwa miaka elfu moja. Wafu katika Kristo wanafufuliwa, ambao wanapewa nafasi ya kutawala duniani pamoja na Kristo katika kipindi cha miaka 1,000, au milenia. Dunia inashuhudia amani na shalom huku shalom ya Yehova ikishuhudiwa hatimaye katika utawala huu wa muda mrefu wa Yesu, usio na ushawishi wa uwongo na potovu wa yule Mwovu. Hili linakumbusha unabii mwingi wa Agano la Kale kuhusu Mwana wa Daudi kuanzisha utawala wa Mungu duniani katikati ya mataifa, pamoja na mabadiliko ya maisha yote kuendana na mapenzi mema na matakatifu ya Mungu ( ona Isa. 2:1-4; 11:1-9). Muhtasari ufuatao wa milenia unatosha kwa kazi yetu ya kuzungumza juu ya utimilifu wa Ufalme wa Mungu. Kujifunza kwa kiwango fulani kuhusu maoni tofauti tofauti ya milenia ni muhimu kwa kuwa yanazungumzia masuala ambayo yanaweza kukosekana au kupuuzwa kwa urahisi katika maoni ya kawaida ya eskatolojia. Ingawa karibu mapokeo yote ya Kikristo katika mafafanuzi yao ya eskatolojia yanaangazia masuala yaliyomo katika somo hili (k.m., kifo, kutokufa, mwisho wa dunia, hukumu ya mwisho ya wanadamu, thawabu za wenye haki na adhabu ya waliopotea, n.k.), yanaweza kushughulika kwa urahisi na masuala yanayohusiana na eskatolojia ya watu huku yakipuuza masuala ya eskatolojia ya ulimwengu, jambo ambalo mtazamo wa kimilenia unatafuta kuangazia. Ni jambo la kusifiwa kwamba mijadala mbalimbali ya milenia inajihusisha na asili na hali ya maisha ya baadaye ya binadamu duniani. Ujuzi wa jumla wa hoja hizi unatosha kwa maandalizi thabiti ya uongozi.

 11 Ukurasa 116 Kipengele II