Ukaboni wa Chipangano chasono pa Yesu Khristu na Ufumu wake: Buku la Msambizgi

1 4 8 /

UKABONI WA CHIPANGANO CHASONO PA YESU KHRISTU NA UFUMU WAKE

Sono ndi nyengo yakuti mudumbiskane na basambiri banyinu mafumbo agho muli nawo kufuma muchisambizgo ichi. Kulijeso chisambizgo chinyake icho chikukhozgera kuti Yesu ndi Mesiya kuluska ichi. Palije chisambizgo panji fundo iyo yikuluska chisambizgo ichi pakupereka ntchindamira ya chipulikano cha chikhristu nga ndi fundo iyi. Umanyi winu pakupulikiska na kubambikizga chisambizgo ichi pa utebeti winu, ntchakukhumbika chomene pa umoyo winu nga ndi mkhristu kweniso nga ndi mlongozgi. Kasi muli na mafumbo wuli kufumira muchisambizgo ichi? Panji mafumbo agha ghangamovwirani kupulikiska ivyo mwasambira. * Kasi mukupanikizga kuti Yesu wa ku Nazareti ngwa moyo, nakutiso wali kuwuka kubakufwa kufumira apo wakafwa pa mphinjika? Kasi mukupanikizga wuli makani agha? * Kasi tichipokelere wuli usange banthu bakukana kuti chiwuka kulje chifukwa ntchambura machitiko kuti banthu bawuke, palije kupanikizga nesi ukaboni wakuti banthu bakufwa bakuwuke. * Kasi mungaba mukhristu kwambura kupulikana na chiwuka cha Yesu Khristu? Longosorani. * Kasi chiwuka na Chikwera cha Yesu Khristu, vikuperekera wuli ukaboni wakuti Yesu wali kukwezgeka na badada kuba kuba pachanya pa vyose? * Kasi ntchifukwa wuli ntchakuzirwa chomene kwa ise kuti tigomezge icho basambiri bakapanikizgira za kuwuka kwa Yesu Khristu, kwakuruska mauakaboni ghanyake agho ghangabako? Kasi ntchifukwa wuli chisambizgo chose chikujinthika pa ivyo bapostole bali kuwona, kukhwaska na kupulika? * Kasi chiwuka chikuzenga wuli lufura na kupereka chikhomo chakupulikiskira kuwombora kwa Chiuta kunkhongono ya kwananga na kuwomboreka kwa bakwananga? * Kasi ntchifukwa wuli kutumika kwa basambiri kuli kujinthika pa mazaza gha Fumu Yesu Khristu? Kasi ichi chikung’anamurachi kwa ise, pakugabana uthenga wa chiponosko na banthu? * Kwakuyana na chipangano chasono, kasi ntchifukwa wuli tingapulikana kuti kutebeta kwithu mwa Fumu nkhwambura kuwerapo waka panji kwambura chanduro?

Kutorapo lwande kwa Msambiri na vyakulondezgapo vyake

4