Ukaboni wa Chipangano chasono pa Yesu Khristu na Ufumu wake: Buku la Msambizgi

/ 1 4 9

UKABONI WA CHIPANGANO CHASONO PA YESU KHRISTU NA UFUMU WAKE

MAKANI GHA CHIYEREZGERO

Thupi la Yesu lili kusungika nga mbukaboni

Kwa vilimika vinandi, ba Mboni za Yehova bakhara bakusambizga kuti, Yesu wali kuwuka kubakufwa chara. Ukaboni wa chisambizgo chawo ukufumira pa 1 Petrosi 3.18, “Pakuti Khristu nayo wakafwa kamoza pera chifukwa cha zakwananga zithu. Muweme ndiyo wakatifwira ta ŵaheni mwakuti watitolere kwa Chiuta. Wakakomeka mu thupi, kweni mu mzimu ngwamoyo.” Pachifukwa cha Mazgu agha, bakusambizga kti thupi la Yesu, ilo likakhombka pa mphinjika, likakomeka kuthupi, kwene likazguka ku uzimu, kuthupi chara, kwene ku uzimu. 1 Bakorintho 15.45 – ndiposo kuli kulembeka kuti, “45Ntheura kuli kulembeka kuti, “Munthu wakudanga Adamu, wakazgoka kuŵa munthu wamoyo.” Kweni Adamu, wa umaliro wakazgoka Mzimu wakupereka umoyo. Kasi thupi la Yesu lili nkhuni? Lili kusungika kumalo ghanyake, nga mbukaboni wa chitemwa cha Chiuta chambura mapimiko….Kasi mungabasambizga wuli banthu bantheura, kwakuyana na chiwuka cha Yesu? Chisambizgo cha Bapostole (kung’anamura kuti kusambira na kugomezga ivyo Bapostole bali kupulika, kukora na kugomezga na kusambizga) ndi ntchindamira ya mazaza ya chipulikano cha chikhristu. Tiyezgerere kuti muli mukalasi la chisambizgo cha ulongozgi wa chikhristu, musambizgi wasachizgira ku kalasi kuti chipulikano chithu kuti chili kujinthika pa ivyo ise tili kujumphamo pakuwona na kupulika za nyifwa ya Yesu, chiwuka, na chikwera chake chara. Kweni pa chili kujinthika pa ivyo Bapostole bali kuvikora, kupulika, kuwona na kwendamo. Chiuta wali kubazgomerezga kuwona na maso ghawo, ntheura, ukaboni wawo ndi njindamira ya chipulikano cha chikhristu. Vyose ivyo tikupulikana navyo vikupokelereka kufuma kwa iwo. Msambizgi wakasachizgira kuti usange ise nase tanguba nawo mwabi wakuba nawo pa mphinjika apo bakamkhomanga, mphanyi tilije kuwonapo na kanthu kali kose pa ivyo vikachitikanga. Nkhwizira ku Bapostole kwekha uko tingamanya kupulikiska na kumanya ivyo vikachitika chifukwa ndiwo pera awo Chiuta wakajura maso ghawo kuti bapulikiske ivyo vikachitikanga. Kayowoyero na chisambizgo ichi, mukuti nacho wuli? Kasi mukuwona kuti ntchaunenesko panji chili na masuzgo? Kasi mukuwona kuti musambizgi uyu wakapulikiska wuli chisambizgo cha Bapostole na chiuka cha Yesu? Ivyo tili kuwona na kupulika

1

peji 287  9

2

4

Kuvikilira ndiyo ndi nthowa ya kusungilira chisambizgo

Munyamata munyake wakakondwa chomene apo wakagura buku lipya lakulembeka na Josh McDowell, Evidence that Demands a Verdict. Ndi Mliska

3