Ukaboni wa Chipangano chasono pa Yesu Khristu na Ufumu wake: Buku la Msambizgi

/ 2 7 3

UKABONI WA CHIPANGANO CHASONO PA YESU KHRISTU NA UFUMU WAKE

Mesiya Wakulongoreka

Vyakulemba vyamsambizgi 3

Tampokelerani kuchisambizgo cha chitatu, Mesiya wakulongoreka (wakuvumbukwa) . Fudno yikuru chomene muchisambizgo ichi njakuti tilabiske chomene pa mazgu, mlimo na kabiro ka Yesu Khristu na umo vikupanikizgira kuti Yesu ndiyo ndi Mesiya nga ndi umo iyo mweneko wakayowoyera. Ntchinthu chinonono chomene kusanda na kusanga apo nkhongono za Yesu zili na kuziyaniska na kanthu kali kose. Yesu ndiyo ndi mtebeti wa Chiuta uyo wakuzunurika pa Yesaya 53 ndipo wakulongoreka muchipangano chasono ndipo wakubikika pakweru kwa wose awo bakupulikana na iyo. Apo kusambira na kusanda kwithu kukwimilira pa Chipangano chasono chomene pa ukabono wakufumira mu mabuku gha Ivangeli, tikuwonaso kuti kabiro na kupanikizga uku kukusangikaso mu makalata gha bapostole. Lizgu lakuti mtebeti wa Chiuta, panji umo likuzunurikira mu chiheberi ‘ebed yhwh, “mtebeti wa Yehova,” likatebeteskekanga kubasopisopi nga ndi Abrahamu (MaSalmo 105.6), Pamoza na banthu banji awo bakafiska khumbiro la Chiuta nga ndi Nebuchadnezzar (Yeremiya 25.9). chakuzirwa chomene ndi umo likatebeteskekeranga kuti mtebeti wa Yahweh apo Yesaya wakachimanga mazgu gha ntchisko na kukhwimiska banthu munyengo iyo Sennacherib wakapenjerezganga umo wakamalizgira fuko lose la Israyeli muchirimika cha 701 B.C. Mazgu ghakuti Mtebeti wa Chiuta ghakuzunurika kwa makhumi ghabiri mu buku la Yesaya chipaturo 40-53. Apo banthu bakupambana pakaghanaghaniro kuti mutebeti uyu ndi njani, kukuwoneka kuti zina ili likuyimira munthu mweneuyo wakwiza ndipo ndiyo ndi Mesiya wa Chiuta. Banji bakuwona kuti ndi Israyeli, nga ndi umo chipaturo 41.8 chikuyowoyera, kwene mu sumu ya Yesaya ya muchipaturo 42.1-7; 49.1 9; 50.4-9; 52.13-53; na 61.1-3, mazgu agha ghakurongora kuti ghakuphara za munthu mweneuyo wabenge mtebeti wa mweneko Chiuta, mweneuyo wizenge na Mtende na kuwerezgeramo Yakobe kwa Chiuta (49.5). Munthu uyu kuti ndi Yesaya chara (42.1), ndipo uchindami wa mlimo wake wa munthazi na kulongora kuti ndi wambura kwananga vikulongora kuti mtebeti uyu (53.9) kuti ndi munthu wakuzirwa waka chara mu charu cha Israyeli (42.4). Muchipangano chasono (Yohane 12.38, 41; Milimo 8.32-35), tikuwona kuti Yesu wa ku Nazareti wakufiska makani ghose agha ghakuba Mtebeti wa Chiuta, Yesu nga ndi Mtebeti wa Chiuta

 1 Peji 87 Jando La Chisambizgo