Ukaboni wa Chipangano chasono pa Yesu Khristu na Ufumu wake: Buku la Msambizgi

2 7 4 /

UKABONI WA CHIPANGANO CHASONO PA YESU KHRISTU NA UFUMU WAKE

mweneuyo wakukhara mu Israyeli ndipo iyo mweneko wati wawezgeremo kwa Chiuta mbumba ya Chiuta (Yesaya 49.6). Mwakupulikikwa chomene, umoyo wa Yesu ukulongora kuti iye ndiyo ndi Mtebeti wa Chiuta. Labiskani mu vigaba vinandi ivyo vikukhwaska mtebeti wa Chiuta ndipo muyaniske na umo umoyo wake ukabira mucharu. 1. Wizamkuba ntchimi ya Chiuta (49.1-2; Yeremiya 1.5) Wakuzuzgika na kukhomeskeka na Mzimu Mtuba (Yesaya 42.1; 61.1; Luka 4.21). 2. Wizamkuchita Mlimo wa Chiuta, kwambura Kukuzga na kudangizga khumbiro lake (Yesaya 42.2-3; Mateyo 12.18-21). 3. Wizamkukomwa mumalo mwa banthu na kuyeya zakwananga zawo Yesya 53.4; Mateyo 8.17). 4. Wizamgomezgeka chara na banthu, kwene wizamkususkika na kuba (Yesaya 53.1; 49.7; 50.6; Mateyo 26.67; 27.26). 5. Bizamkumpacha nga ndi munthu wakwananga, ndipo wizamkupereka umoyo wake nga ntchirango na cheruzgo cha banthu banandi (Yesaya 53.5-8; 1 Petrosi 2.22-25). 6. Chiuta wizamkuzgora umoyo wake kuba sembe ya zakwananga , “sembe ya zakwananga” (Yesaya 53.10), kwizira mw aiyo, Chiuta wizamkukhwaska banthu banandi (52.15; Baheberi 12.24; 1 Petrosi 1.2). 7. Wizamkusungika Pamoza na basambazi (Yesaya 53.9-10; Mateyo 27.57). 8. Wizamkuwuka muwuchindami (Yesaya 53.10, 12). 9. Wizamkurunjiska banthu banandi kwizira mukujipereka kwake (Yesaya 53.11), mwakusazgirapo banthu bamtundu (42.6; Luka 2.32). 10. Wizamkubika urunji wa Chiuta mucharu (Yesaya. 42.4; Baroma 15.21). 11. Kwizira mw iyo Chiuta wati wakazikiske Chipangano chipya (Yesaya 42.6; 49.8). Mukughanaghana kwane nkhuwona kuti ntchakwenelera kuyaniska sumu za mtebetei wa Chiuta izo zili mu buku la Yesaya na Mesiya uyo wakwiza mu fuko la Davide (mweneuyo wakuzunurika mu buku la Vya mu Mtendeko 3.15). Wose