Bunda etumba elamu ya kondima

Liteya ya mibale (2) Makomami oyo tosalaka • 29

lokola nde mpo na bango kondima ezali nde komikomisa nkombo na molongo ya babundi epayi na Nzambe. Na Bosembo, na eleko malamu oyo moto ayamboli masumu mpe andimeli Yesu, ye asili komikotisa na etumba. Wana oyo mokomi moko ya minkanda abengi : « Mama ya bitumba nyonso ». Kondima « iyo » epayi ya Klisto mpe na bokonzi na ye ezali koloba mbala moko « Te ! » na komekama ya mokili, na bampasi oyo ezali na kati na biso oyo ewuti na bomoto na biso ya kala ya masumu, ya lokuta ya moyini. Mingi lokuta mpe kokosa wana emipesa lolenge na biso epayi ya bato mosusu, tondimélá yango na lobiko na biso mobimba. Kokóma moklisto ezali kokoma mobundi, ezali moto oyo atiami miso na banguna ya Nzambe. Ndenge nini oyebí ete makambo oyo ezali solo uta obanda kondimela Klisto lokola Mobikisi mpe Nkolo na yo ? Na liteya towuti kozwa ( lisapo oyo tobikaka na kosangisa lisolo na biso na lisolo oyo ya Nzambe ) toyekolaki été lisolo ya bomoyi oyo ewuti na Nzambe na nzela na Klisto, oyo elobami na Biblia, eyanoli motuna oyo etali lobiko. Awa lisolo oyo ezali kokamwisa ndenge moko na lisapo wana. Tokoki koyoka yango bobele mpo na kosakana te ndenge moko na filime tokendaka kotala. Tokotala bilili wana malamo kasi soki totiki yango, tobosani makambo na yango nyonso. Soki toyoki lisolo ya lisungi ya Nzambe mpe na kozongisa bolamu oyo esalami na nzela ya Klisto, wana nde tokoki kozwa mokano ya koyokana na Nzambe. Esengeli na biso tondima litatoli ya lisolo na Ye, kondima ete ezali solo, kokómisa yango ya biso, mpe tobanda kobunda etumba malamo ya kondima.Tosengeli kobaluka, kolongwa epayi ya monguna mpe kokoma epayi ya Klisto, na kokotaka na buku ya babundi na mampinga ya Nkolo. Ezali na makasi to na lolenge na biso moko te, kasi na mawa ya Nzambe, na nzela ya liwa ya Yesu Klisto na esika na biso ( akufi na esika na biso ), apanzi mbela ya komíkomisa lokola babundi na bato nyonso. Mbela mpo na kobikisama ezali mbela mpo na kotika bokonzi ya molili mpe kokota nabokonzi ya pole. Ezali kolongwa na lobiko tobikaki na ndenge na biso mpenza mpo na kokoma batalisi ya Yesu Klisto Nkolo na biso na mokili, oyo tokolanda kati ya bato bazangi bosembo mpe na mokili ya nyamu nyamu. Soki boyamboli botomboki mpe masumu na bino mpe bozongi epayi na Nzambe na nzela ya kobongola mitema*, mpe soko bosengi bolimbisi na nzela ya liwa ya Yesu na ekulusu, Nzambe akopetola bino mpe akozongisa bino na bondeko na ye. Totiami na kati ya nzoto ya Klisto, na kati ya libota ya Nzambe : Eklesia. Awa tobikisami na Molimo mosanto, ye azwá efandelo na kati na biso, yango wana azali kopetola biso mokolo na mokolo mpo na kokumisa Nzambe, mpo na kosalela Klisto, mpe kosala mosala na ye.

Makambo ezali na kati ya liteya

*Kobongola motema elingi koloba kobongola makanisi, kotika nzela olandaki mpe kolanda nzela oyo Nzambe alingi. Soki obongoli motema, wana oyokani yo na Nzambe ete ozalaki na nzela mabe mpe obongoli ezaleli mpo na kozala na molongó na mokano na Nzambe