Bunda etumba elamu ya kondima

Liteya ya mítano (5) Makambo eleki malamu oyo totalisaka • 75

7. Ngolu na Nzambe ezali kolakisa biso lolenge ya kobika mpe kosala misala malamu na ntango tozali k ɔ l ɛ ng ɛ la boyeyi ya Klisto ya mibale. Tanga Tito 2 :11-14. Tondisa bisika ya polele : a. Ngolu na Nzambe oyo ememeli biso lobiko elakisi biso lolenge ya koboya __________________ mpe ya kobika _________________ na ntango tozali na elikia na biso ya bule. b. Yesu amipesaki Ye moko mpenza mpo na kosikola biso na ______________ mpe mpo na kopetola libota na Ye mpenza, baye bazali na mposa ya kosalaka _________________________________ . Lokola bana balingami na Nzambe na kondima na Yesu Klisto, tobengami kozala bamekoli ya Nzambe, kozala lokola Nkolo na biso mpe kokengela basusu na bolingo. Tozala lokola esengeli, biteni na Ye ya nzoto awa na mokili, lokola nde azalaki kobika na nzela na biso, sik’awa na mokili. Bobele bongo tobengami kozala « basanto » boye (baye babulisami) mpo na Nzambe, tokomisami sembo na nzela ya kondimela Yesu. Totiami pembeni mpo na kobika bomoyi ya peto mpe ya bule liboso na Nkolo.Tosengeli tobulisama (totiama pembeni lokola baye ya Nkolo mpenza, baye azali kosalela), mpo na komonisa mpe koyebisa bato mosusu ete tozali baí-Klisto bongo bango mpe babongwana bobele na nzela ya Nsango Malamu yango oyo ebongolaki biso. Ya solo, Nzambe abengaki biso mpo tobika lokola bapagano mpe na mbindo te, kasi tobika lobiko ya bosanto mpe ya sembo. Bakisa lisusu boye kobengama basanto, tokomisami mpe bantoma ya mboka mpo na Klisto, totelemi mpo na kotalisa Yesu mpe bokonzi ya Nzambe na boyokani na biso na bato misusu mpe na etambweli na biso. Tozali basali ya bokonzi na Nzambe, baí- mboka ya bokonzi ya Nzambe ya lola, kaka na lolenge tozali, tozwá nguya ya kolelela Nzambe mpo na baninga misusu na nkombo na Ye. Tozali na lotomo ya kokeba mpo na kosala bongo na polele nyonso, na bolamo nyonso ya koleka mpe na molende. Ezala na maloba mpe lisusu na misala tozali kotatola Yesu ya Nasaleta lokola Nkolo mpe Klisto, mokonzi ya mokili oyo ezali koya. Na etaliseli totalisi Nsango Malamu, tokabi na nkombo na Ye epayi ya moto nyonso oyo akobongwana mpe oyo akondima, mpe na nzela ya elakiseli na biso ya bolingo mpe misala malamu tomonisi ntina ya bokonzi wana. Na nzela ya misala na biso na lolenge ya Nzambe ya « Monisa mpe Yebisa » mikolo nyonso liboso ya mabota na biso, baninga na biso mpe bazalani na biso, komonisaka bango ndimbola ya kozala na bokonzi ya lola. Moto moko te akoki kozala mosanto mpe motindami ya mboka mpo na Klisto na makasi mpe na mokano na ye mpenza. Klisto afandi kati na biso na nzela ya Molimo Mosanto na Ye, mpe tokoki kotalisa Ye bobele soki

Na mokuse