Fight the Good Fight of Faith, Amharic Edition

ትምህርት 2 ወዶ ዘማችነታችን • 33

እኛ ራሳችንን ከእግዚአብሔር ቃል ጋር በማጣመር ከመንፈስ ቅዱስ ጋር እንተባበራለን፣ የራሳችንን አሉታዊ አደገኛ አጥፊ እና እውነት ያልሆኑ ቃላትን መጠቀምን አቁመን በምትኩ እውነት የሞላበትና ከቅዱስ ቃሉ ጋር ተዛማጅ የሆኑትንና ትክክለኛ የሆነው ቃል እንናገራለን። እኛ በክርስቶስ አዲስ ፍጥረቶች ነን እናም አሁን በቅዱሳት መጻሕፍት ውስጥ ስለ ቀድሞው ህይወታችን ከሁሉም በላይ ደግሞ እግዚአብሄር በውስጣችን ስላስቀመጠው ዕምቅ ችሎታችን እና ስለወደፊታችን ተስፋቸን የተፃፈውንና የተነገሩትን መንፈሳዊ እውነቶችን መቀበል አለብን። እኛ ከእንግዲህ ወዲህ በጨለማ መንግሥት ግዛት ውስጥ አይደለንም፤ እኛ የብርሃን መንግሥት ወደሆነው ወደ ፍቅሩ ልጅ መንግስት ፈልሰናል። አሁንም የተቤዠን ውዱ ጌታችን ይህንን እውነት ደግሞ ደግሞ ይናገረን (መዝ 107፡1-3)!

ከዚህ ትምህርት ጋር ተያያዥነት ላላቸው ነገሮች ለማጥናትና ለማሰላሰል እንዲረዳችሁ የሚከተሉትን ይመልከቱው

ተጨማሪ አባሪዎች

የናዝሬቱ ኢየሱስ-የመጪው ጊዜ መገኘት (ቅፅል 4) የእግዚአብሔር ታሪክ: የእኛ ቅዱስ መሰረት (ቅፅል 5) ከቀድሞው ጊዜ ወደ ላቀ ጊዜ (ቅፅል 6) ጥላ እና አካል (ቅፅል 7)

ለተቀበሉት ሁሉ ለእነርሱ የእግዚአብሔር ልጆች ይሆኑ ዘንድ ሥልጣንን ሰጣቸው (ዮሐ 1፡ 12)

ቁልፍ መርህ

ከዚህ በታች በተዘረዘሩት ፅሁፎች ላይ በመመርኮዝ የሚከተሉትን ክርክሮች እና ጽንሰ ሐሳቦች ከላይ በተማራችሁት መሰረት በተገቢው መንገድ ያብራሩ እና መልስ ይስጡ።

የናሙና ጥናቶች

1. “አሁን ብዙ ድል እንዳገኘሁ አይሰማኝም።” ብዙ (እጅግ በጣም ብዙ ባይሆኑም) አዳዲስ ክርስቲያኖች የክርስትና ጉዟቸውን በከፍተኛ አድናቆት ደስታና በራስ መተማመን ጀምረው የተለያዩ ተቃውሞና ተግዳሮት ሲደርስባቸው ራሳቸውን በኃጢያት እና በእፍረት ውስጥ ያገኙታል። በእንደዚያ ዓይንት ጥንካሬና ጀግንነት ጀምረው በጎዳናቸው ላይ አስደነጋጭና አንዳች ተገዳዳሪ ነገር ሲገጥማቸው የክርስትና ሕይወት “ልክ ሰባኪው ቃል እንደገባው ቀላል አይደለም” በማለት ተደናቅፈው እና ተስፋ ቆርጠው ይታያሉ። አሁንም ቢሆን በተለያዩ ፈተናዎች ይፈተናሉ፣ በቀላሉ ይቆጣሉ በኃጢያት መተላለፍ በስጋ ምኞት በስግብግብነት እና በኩራት አሽክላ ተጠለፈው ይገኛሉ። እናም ራሳቸውን እንዲህ በማለት ይጠይቃሉ “በመጽሐፍ ቅዱስ ውስጥ የተጠቀሰ ድል የት ደረስ? ለምን ጌታን ስጠራ ነገሮች በፍጥነት መልክ አልያዙም? እግዚአብሔር ከእኔ ጎን ከሆነ ለምን እታገላለሁ?” ስለ ክርስቶስ መንገድ በእንዲህ ዓይነት ግራ በመጋባት ውስጥ ላለው ሰው - በእለት ተዕለት የሕይወት ትግልና ውጥረት ውስጥ ምንም ድል እንደሌለ ለማይሰማቸው ሰዎች ምን ምክርን መስጠት ትችላላችሁ? 2. “በእውነት በእርግጠኝነት ይቅርታ እንደተደረገለኝ እንዴት ማወቅ እችላለሁ?” ብዙውን ጊዜ በጌታ ያላደጉ ወይም ያልበሰሉ ክርስቲያኖች ስለ ድነታቸው /የዳኑ ስለመሆናቸው/ በተለያዩ መክኒያቶች ጥርጣሬ ይፈጠርባቸዋል። ምንም እንዃን ህይወታቸውን ወደ ጌታ ቢመልሱም በክርስቶስ ካገኙት አዲስ ህይወት ጋር የማይመሳሰሉ ነገሮችን ሲያስቡ ሲናገሩ እና ሲያርጉ ይገኛሉ። አንዳንድ ጊዜ እንዲህ ዓይነት “የፍጥነት ማሰናከያ” በመንገዳቸው ላይ ሲገጥማቸው ሙሉ በሙሉ ስለመዳናቸው እንዲጠራጠሩ ያደረጋቸዋል። በሁለቱም ማለትም በጥርጣሬና በፍርሀት ከተሞሉ በተደጋጋሚ ጌታ ኢየሱስ ክርስቶስ ድነትን እንደገና እንዲሰጣቸው ለመጠየቅ ሊፈተኑ ይችላሉ። በዚህ ሁኔታ ውስጥ ሲሆኑ በመጀመሪያ ለጌታ ንስሓ መግባታቸውንና